റെഡ്ഹിൽ സറേ: റെഡ്ഹിൽ സെന്റ് മാത്യൂസ് ഹോളിൽ ചേർന്ന മലയാളി അസോസിയേഷൻ ഓഫ് റെഡ് ഹിൽ സറേയുടെ (മാർസ്) വാർഷിക പൊതുയോഗം 2025-26 വർഷത്തേക്കുള്ള പുതിയ ഭരണസമിതിയെ തെരഞ്ഞെടുത്തു.
ഇലക്ഷൻ കമ്മീഷൻ അംഗങ്ങളായ ജോസഫ് വി. ജോൺ, ജെസിൽ ജോസ്, ടിങ്കു തോമസ് എന്നിവരുടെ നേതൃത്വത്തിൽ ചേർന്ന പൊതുയോഗത്തിൽ മാർസ് സെക്രട്ടറി സ്റ്റാലിൻ പ്ലാവില വാർഷിക റിപ്പോർട്ടും ട്രഷറർ ജെന്നി മാത്യു വരവ് ചെലവ് കണക്കുകളും അവതരിപ്പിച്ചു .
തുടർന്ന് നടന്ന പൊതുയോഗത്തിൽ ഇലക്ഷൻ കമ്മീഷൻ അംഗങ്ങൾ പുതിയ ഭരണസമിതിയെ പ്രഖ്യാപിച്ചു. യുക്മ സൗത്ത് ഈസ്റ്റ് റീജിയണൽ പ്രസിഡന്റും പ്രവാസി കേരള കോൺഗ്രസ് യുകെ ജനറൽ സെക്രട്ടറിയുമായ ജിപ്സൺ തോമസ് ആണ് പുതിയ പ്രസിഡന്റായി തെരഞ്ഞെടുക്കപ്പെട്ടത്.